කැනඩාව සලිත කළ ඝාතකයා ගැන හෙළිවෙන නවතම තොරතුරු මෙන්න

කැනඩාවේ ඔටාවාහි ශ්‍රී ලාංකිකයින් 06 දෙනෙකු ඝාතනය කළ 19 හැවිරිදි සිසුවා එම ඝාතනය සඳහා යොදාගත් තවත් ආයුධ සම්බන්ධයෙන් ඔටාවා පොලිසිය විමර්ශන ආරම්භ කර තිබෙනවා.

ඔටාවාහි ශ්‍රී ලංකා නියෝජ්‍ය මහ කොමසාරිස් අන්සුල් ජාන් පැවසුවේ ඝාතකයාගේ කිසිදු ඥාතියෙක් මෙතෙක් කැනඩාවේ ශ්‍රී ලංකා මහ කොමසාරිස් කාර්යාලය සමග සම්බන්ධ වී නොමැති බවයි.


කැනඩාවේ ඔටාවාහි බාහේවන් ප්‍රදේශයේ පදිංචිව සිටි ශ්‍රී ලාංකික පවුලක මව, දරුවන් සිව්දෙනෙකු ඇතුළු 06 දෙනෙකු ඝාතනය කිරීමේ මෙම ඛේදජනක පුවත වාර්තා වුණේ පසුගිය 06 වැනිදා රාත්‍රියේදීයි.

සිද්ධියෙන් තුවාල ලැබූ පවුලේ පියා වන ධනුෂ්ක වික්‍රමසිංහ ද බරපතල තුවාල ලබා රෝහල්ගත කෙරුණා.

මේ අතර ඝාතනය සිදුකළ බව පැවසෙන 19 හැවිරිදි ෆෙබ්‍රියෝ ද සොයිසා සම්බන්ධයෙන් මේවන විට ඔටාවා පොලිසිය විමර්ශන සිදුකරනවා.

ඝාතනය සදහා භාවිත කළ දැති සහිත තියුණු ආයුධයක් පසුගියදා සොයාගත් බව ඔටාවා පොලිසිය පැවසූ අතර ඝාතනය සඳහා දැති සහිත තවත් ආයුධ භාවිතා කරඇත්දැයි විමර්ශන ක්‍රියාත්මක බව නවතම විදෙස් වාර්තාවල සඳහන්.

ෆෙබ්‍රියෝ ද සොයිසාගේ මව සහ පියාගේ පදිංචිය සම්බන්ධයෙන් මෙතෙක් නිශ්චිත තොරතුරක් වාර්තා වී නොමැති අතර ඔටාවාහි ශ්‍රී ලංකා නියෝජ්‍ය මහ කොමසාරිස් අන්සුල් ජාන් විදෙස් මාධ්‍ය වෙත ප්‍රකාශ කර ඇත්තේ ඔහුගේ පවුලේ කිසිදු ඥාතියෙක් මෙතෙක් මහ කොමසාරිස් කාර්යාලය සමග සම්බන්ධ නොවූ බවයි.

එම පවුලේ ඥාතීන් ඔටාවා මහ කොමසාරිස් කාර්යාලය සමග සම්බන්ධ වුවහොත් අවශ්‍ය සේවාවන් ලබා දිය හැකි බව ද ඇය වැඩිදුරටත් ප්‍රකාශ කර තිබෙනවා.

වසර 30කට ආසන්න කාලය තුළ කැනඩාවේ ඔටාවා නගර ඉතිහාසයේ සිදු වූ වඩාත් ඛේදජනකම සිදුවීම මෙය වන අතර ඉන් ඔටාවාහි බාහේවන් ප්‍රදේශයේ ජනතාව දැඩි කම්පාවට පත්ව සිටිනවා.

ඝාතනයට ලක් වූ දිලන්තිකා ඒකනායක සහ ඇගේ දරුවන් සිව්දෙනා ඇතුළු 06 දෙනා සිහි කරමින් එම නිවස ඉදිරිපිට ආගමික වතාවත් ද සිදු කෙරුණා.

එම අවස්ථාවට කැනඩාවේ ශ්‍රී ලංකා මහ කොමසාරිස් හර්ෂ කුමාර නවරත්න ද එක්ව සිටියා.

එහිදී මහ කොමසාරිස්වරයා විදෙස් මාධ්‍ය වෙත පවසා ඇත්තේ ඝාතනයට ලක්වූ දිලන්තිකාගේ සහ ගාමිණී අමරකෝන්ගේ පවුලේ සමීපතම ඥාතීන් කිහිපදෙනෙකු අවමංගල්‍ය කටයුතු වෙනුවෙන් සහභාගී කරවා ගැනීමට සැලසුම් කර ඇති බවයි.

මේ අතර මෙම ඝාතනය සම්බන්ධයෙන් ශෝකය පළ කරන මෙරට විදේශ කටයුතු අමාත්‍යාංශය නිවේදනයක් නිකුත් කරමින් පවසන්නේ ජීවිතක්ෂයට පත්වූවන්ගේ ශ්‍රීලංකාවේ සිටින පවුලේ සාමාජිකයින්ගේ පෞද්ගලිකත්වයට ගරු කරමින් ඔවුන්ගේ ඉල්ලීම් සඳහා පහසුකම් සලසන බවයි.

Related Posts

යළි සියලු පාසල් ආරම්භය සහ අ.පො.ස. (සා/පෙළ) විභාගය ගැන විශේෂ දැනුම්දීමක්…

අවුරුදු නිවාඩුවෙන් පසු පාසල් අධ්‍යනය කටයුතු හෙට සිට…

Read more

ගෑස් මිල අඩු කිරීම ගැන රටටම සතුටුදායක ආරංචියක්

ගෑස් ආනයනය කරන රටවල් ආශ්‍රිතව පවතින අර්බුද සමථයකට…

Read more

ප්‍රදේශ කිහිපයකට බදාදා වතුර නෑ

සපුගස්කන්ද විදුලි උප පොළෙහි හදිසි අළුත්වැඩියාවක් හේතුවෙන් අප්‍රේල්…

Read more

තෙවරප්පෙරුම සොයාගෙන මං මාරයා ලගට ඉක්මනින්ම යනවා…

අභාවප්‍රාප්ත පාලිත තෙවරප්පෙරුම මහතා සොයාගෙන තමන් ද ළඟදීම…

Read more

ඉන්ධන මිල සහ රන් මිල හදිසියේ ම වෙනස්වෙයි

ඉරානයේ ප්‍රදේශයකට ඊශ්‍රායල මිසයිල ප්‍රහාරයක් එල්ලවූ බවට වාර්තා…

Read more
Piyumi Wijesekera

අඟහරු වෙත යන්න සැරසෙන පියුමි…

අඟහරු තරණය කිරීම සඳහා පුහුණ කිරීමේ මධ්‍යස්ථානයක මෙහෙයුමකට…

Read more

Leave a Reply

Your email address will not be published. Required fields are marked *