උදෑසනම අහන්න ලැබුණ උණුසුම් පුවතක් එක්ක සමාජයේ මේ වෙනකොට විවිධ කතාබහ නිර්මාණය වෙමින් තිබෙනවා..
ආරුගම්බේ ප්රදේශ ගැන ඇසෙන අලුත්ම කතාව ගැනයි මේ කියන්නේ..
ආරුගම්බේ ප්රදේශයේ ඊශ්රායල ජාතිකයින් විසින් ඉදි කර ඇති ගොඩනැගිලි ඇති බවත්, ඒ හේතුවෙන් ඊශ්රායල ජාතිකයින් එම ප්රදේශයේ ගැවසෙන බවත් පොලිස් මාධ්ය ප්රකාශක, නියෝජ්ය පොලිස්පති නිහාල් තල්දුව පවසනවා.
ඊශ්රායල ජාතිකයින් මෙම ප්රදේශයේ ගැවෙසෙන නිසාවෙන්, මොවුන්ගේ ආරක්ෂාව සම්බන්ධයෙන් තොරතුරක් ලැබී තිබු අතර, එහෙයින් නැගෙනහිර දිසාව භාර පොලිස්පති විසින් එහි ආරක්ෂාව තර කර ඇති බව යි පොලිස් මාධ්ය ප්රකාශකවරයා සඳහන් කළේ.
පසුගිය දින කිහිපයේම විටින් විට මාර්ග පරික්ෂා කිරිම් වැනි දෑ පොලිසිය විසින් සිදු කර ඇති බව ත් සඳහන් කළ පොලිස් මාධ්ය ප්රකාශකවරයා.
අද වන විටත් ශ්රී ලංකා පොලිසිය, පොලිස් විශේෂ බලකාය, නාවික හමුදාව මෙන්ම බුද්ධි අංශය එම ප්රදේශයේ ආරක්ෂාව වෙනුවෙන් සියළු කටයුතු සුදානම් කර ඇති බවත් දන්වා සිටියා.
මේ සම්බන්ධයෙන් යම් තොරතුරු ක් හෝ ලැබුණු වහාම අදාළ ඉදිරි කටයුතු සිදු කරන බව ද පොලිස් මාධ්ය ප්රකාශකවරයා මෙහිදී සඳහන් කළා.
එසේම, එක් සංචාරකයෙකු සම්බන්ධයෙන් වුවද, අප වඩාත් සැලකිලිමත් විය යුතු අතර, අප ඔවුන්ගේ ආරක්ෂාව වෙනුවෙන් ඉතාම සැලකිල්ලෙන් කටයුතු කරන බව ද පොලිස් මාධ්ය ප්රකාශක, නියෝජ්ය පොලිස්පති නිහාල් තල්දුව වැඩිදුරටත් සඳහන් කළා.
