කියන්න යන්නේ පවතින කාලගුණය හමුවේ ඇසෙන තවත් විශේෂ කතාවක් ගැනයි..
කාලගුණය නිසා බොහෝමයක් පාසල් අද දිනයේ වසා දමන්නට අධ්යාපන අමාත්යංශය තීරණය කළා..
තවමත් වෙනස් නොවුණු කාලගුණය නිසා ඉදිරියේදීත් පාසල් පැවැත්වීම ගැන ඇතිවන්නේ ගැටලුකාරී තත්වයක්.. මේ ඒ ගැන ඇසෙන අලුත්ම කතාවයි.. කොළඹ අධ්යාපන කලාපයේ සියලුම පාසල් හෙට (15) වසා තැබෙන බව බස්නාහිර පළාත් අධ්යාපන අධ්යක්ෂක පවසනවා…
මේ අතර දිවයිනට බලපා ඇති අයහපත් කාලගුණික තත්ත්වය මත ගංවතුර සහ වෙනත් ආපදාවලට ලක්ව ඇති පාසල්වලට නිවාඩු ලබාදීම සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබුණා..
පාසල්වලට නිවාඩු ලබාදීමේ දී පළාත් ප්රධාන ලේකම්, පළාත් අධ්යාපන ලේකම් හෝ පළාත් අධ්යාපන අධ්යක්ෂරුන්ට ඒ අනුව බලය පැවරෙනවා.. ඒ අනුව, සුදුසු පරිදි අවශ්ය පියවර ගන්නා ලෙසට අධ්යාපන අමාත්යාංශය විසින් ඔවුන්ට උපදෙස් දී ඇත්තේ..
නිවේදනයක් නිකුත් කරමින් එම අමාත්යාංශය සඳහන් කරන්නේ, වර්තමානයේ පවතින කාලගුණික තත්ත්වය හේතුවෙන් දිස්ත්රික් ආපදා කළමනාකරණ කමිටු සමග සාකච්ඡා කර පාසල් පැවැත්වීම ගැන තීරණය කළ හැකි බවයි..