“අපිට බඩගිනියි” මිනිසුන් පාරට බහී..

ලෝකයේ බොහෝ රටවල් මේ වෙනකොට විවිධ ආර්ථික අර්බුදවලින් පෙළෙනවා..

මේ කියන්න යන්නේ අන්න ඒ වගේ තවත් කතාවක් ගැනයි..

අධික ජීවන වියදමට එරෙහි විරෝධතා උත්සන්න වීමත් සමඟ නයිජීරියාවේ කැනෝ ප්‍රාන්තයට ඇඳිරි නීතිය පනවා තිබෙනවා..

එරට දෙවන විශාල ම ප්‍රාන්තය වන මෙහි විරෝධතාවලට අමතරව කොල්ලකෑම්, දේපල විනාශ කිරීම් මෙන්ම පැහැරගැනීම්ද වාර්තාවන බවයි විදෙස් මාධ්‍ය ප්‍රකාශ කළේ..

මේ හේතුවෙන් ප්‍රාන්තය පුර වෙළඳසැල්ද වසා දමා තිබෙනවා..

විරෝධතා ආරම්භ වී දින 10 ක් ගතවී ඇති අතර, ”‍අපිට බඩගිනියි”‍ වැනි සටන් පාඨ කියමින් දහස් ගණනක් විරෝධතාවයේ නිරතවන බව සඳහන්..

ඔවුන් විසුරුවා හැරීමට පොලිසිය කඳුළු ගෑස්, ජල ප්‍රහාර මෙන්ම වෙඩි තැබීම්ද සිදුකර තිබෙනවා..