ජාත්‍යන්තර මුල්‍ය අරමුදල විසින් ශ්‍රී ලංකාව වෙත අනුමත කර ඇති විස්තීර්ණ ණය පහසුකම යටතේ මෙරටට ලබා දීමට නියමිත කුන් වැනි වාරිකය නිදහස් කිරීම අද (12) මධ්‍යම රාත්‍රිය වන විට නිවේදනය කරනු ඇති බවට බලාපොරොත්තු වන බව ශ්‍රී ලංකා මහ බැංකුවේ සහකාර අධිපති ආචාර්ය චන්ද්‍රනාත් අමරසේකර පවසනවා.
ඒ අද (12) පෙරවරුවේ රජයේ ප්‍රවෘති දෙපාර්තමේන්තු ශ්‍රවණාගාරයේ දී පැවති ශ්‍රී ලංකාවේ ආර්ථිකයේ නව ප්‍රවනතා පිළිබඳ මාධ්‍ය ප්‍රධානීන් දැනුවත් කිරීමේ සාකච්ඡාවට එක් වෙමින්.
ජාත්‍යන්තර මුල්‍ය අරමුදල මගින් අනුමත කර ඇති විස්තීරණ ණය පහසුකමේ තුන්වැනි වාරිකය අනුව මෙරටට ලැබීමට නියමිත ණය මුදල එක්සත් ජනපද ඩොලර් මිලියන 330ක්
ඊට අදාළ දෙවෙනි සමාලෝචනය ජාත්‍යන්තර මූල්‍ය අරමුදලේ විධායක මණ්ඩලය විසින් අද මධ්‍යම රාත්‍රිය වන විට අවසන් කිරීමට නියමිතව අතර, මේ වන තෙක් මෙම ණය පහසුකම යටතේ මෙරටට ලැබී ඇති සමස්ත ණය මුදල අමරිකානු ඩොලර් මිලියන 670 ක් වනවා.
ශ්‍රී ලංකාව මුහුණ දුන් ආර්ථික අර්බුදයෙන් මිදීම සඳහා 2023 වසරේ මාර්තු මාසයේ දී ජාත්‍යන්තර මූල්‍ය අරමුදල ලංකාව වෙනුවෙන් මාස 48 ක් පුරා ක්‍රියාත්මක වන ඩොලර් බිලියන 3 ක ණය පහසුකමක් අනුමත කරනු ලැබුවා..
