මධ්‍යම කදුකරයේ බටහිර බැවුම් ප්‍රදේශවල මේ දිනවල පවතින අධික වියළි කාලගුණයත් සමග ජල මුලාශ සිදියාම නිසා හැටන් ප්‍රදේශයේ ජල පාරිභෝගිකයන්ට දින දෙකකට වරක් පානිය ජලය සිමා කර ලබාදිමට සිදු වන බව ජාතික ජල සම්පාදන මණ්ඩලයේ හැටන් කාර්යාලය විසින් ශබ්ද විකාශන යන්ත්‍ර ඔස්සේ පාරිභෝගිකයන් දැනුවත් කිරිමට (11) දින සිට පියවර ගෙන ඇත.
ජාතික ජල සම්පාදන මණ්ඩලයේ හැටන් කාර්යාලයේ ජල ටැංකි වෙත ජලය ලබාගන්නා සිංගිමලේ ජලාශයේ සහ දික්ඔය ඔටරි ප්‍රදේශයෙන් ජලය ලබාගන්නා දික්ඔය ඇළෙහි ජල ධාරිතාව පහල බැසිම නිසා දින දෙකකට වරක් ජලය නිකුත් කිරිමට පියවර ගෙන ඇති බව හැටන් කාර්යාලයේ නිලධාරියෙකු පැවසිය.
පවත්නා තත්ත්වය මත අරපිරිමැස්මෙන් පානිය ජලය භාවිතා කරන ලෙස ජල පාරිභෝගිකයන්ගෙන් ජාතික ජල සම්පාදන මණ්ඩලයේ හැටන් කාර්යාලයේ නිලධාරින් ඉල්ලා සිටියි.
මේ අතර පවතින අධික වියළි කාලගුණයත් සමග ජල මුලාශ පිහිටි රක්ෂිත වලට ඇතැම් පිරිස් විසින් ගිනි තැබිම් හේතුවෙන් මේ වන විට ජල මුලාශ සිදිගොස් වතු ආශ්‍රිත ප්‍රදේශවල පානිය ජල ගැටළුවක් මතු වි ඇති අතර , කාසල්රි සහ මවුස්සාකැලේ යන ප්‍රධාන ජලාශවලද ජල ධාරිතාව 25% කින් පමණ පහල බැස ඇති බව එම ජලාශයන් භාර ඉංජිනේරුවන් පැවසිය.
– රංජිත් රාජපක්ෂ
