ඔහු ගැනත් ඇය ගැනත් මේ වෙද්දී මුළු රටම කම්පාවට පත්වෙනවා...
කැලණිය විශ්වවිද්‍යාලයේ දර්ශන අධ්‍යයන අංශයේ මනෝවිද්‍යා අධ්‍යයන අංශ ප්‍රධානී ජ්‍යෙෂ්ඨ කථිකාචාර්ය ආචාර්ය ගයන්ත ගුනේන්ද්‍ර පසුගිය 18 වැනිදා මධ්‍යම අධිවේගී
මාර්ගයේ සිදුවූ රිය අනතුරින් මියයෑමේ උණුසුම මැකී යෑමටත් මත්තෙන් ඔහුගේ ප්‍රිය බිරිඳ ද ඊයේ (26දා) උදේ මියයෑමේ ශෝකජනක පුවත වාර්තා වුණා...
අනතුරින් බරපතළ තුවාල ලබා කොළඹ ජාතික රෝහලේ දැඩි සත්කාර ඒකකයේ ඈ මරුවා සමග දැඩි සටනක නිරත වුවත් ඇය සිය ආදරණීය සැමියා සොයාගෙන ඒ ලෝකයටම ගියාය. මෙලෙස අවාසනාවන්ත අන්දමින් මියගියේ විශ්වවිද්‍යාල කථිකාචාර්යවරියක වූ සතීෂා නිලන්ති නමැති 42 හැවිරිදි තුන් නිවුන් දරු මාතාවක්.
ඇය ගෝතමී බාලිකා විදුහලේ ආදි ශිෂ්‍යාවක වූ අතර 1983 වර්ෂයේ උපත ලබා තිබුණා..
අනතුරින් තුවාල ලැබූ ඇයගේ තුන් නිවුන් දරුවෝ කොළඹ ජාතික රෝහලේ ප්‍රතිකාර ලබමින් සිට සුවය ලබා පිටව ගොස් ඇති බවයි වාර්තා වෙන්නේ...
මේ අතර සතීෂා නිලන්තිගේ මරණ පරීක්‍ෂණය ඊයේ (26දා) කොළඹ නාගරික හදිසි මරණ පරීක්‍ෂක මොහොමඩ් අෂ්රෆ් රූමි හමුවේ පැවැත් වුණා...
එහිදී මියගිය සතීෂා මහත්මියගේ ඥාති සොයුරෙකු සාක්‍ෂි ලබා දී තිබෙනවා...
දිවයින පුවත්පත ඇසුරින්...
