"සමාවෙන්න මට අම්මේ මට ගොඩක් මහන්සි හැමදාමත් මම හිතින් විඳවනවා, දුක දරාගන්න අමාරුයි, ගොඩක් දුර්වලයි මගේ හිත,අනේ මට සමාවෙන්න
මගේ මරණයට හේතුව විසාදය, කිසිම සතුටක් මට දැනෙන්නේ නෑ " යනුවෙන් ලිපියක් ලියු " යු ටියුබ්" නාලිකාවක හිමිකරුවකු ගේ මළ සිරුර කොළඹ ප්‍රධාන පෙළේ හෝටලයක උද්‍යාන භූමියක තිබී හමු වු බව කොටුව පොලිසිය කියයි.
මෙලෙස සැක කටයුතු ලෙස මියගොස් ඇත්තේ මහනුවර කුණ්ඩසාල ප්‍රදේශයේ පදිංචිව සිටි අසන්න ධනංජය බණ්ඩාර නැමති 29 හැවිරිදි පුද්ගලයෙකි.
මියගිය පුද්ගලයා ඊයේ (30) හෝටලයට පැමිණ අද (31) වන මහලේ 16 වෙනි කාමරයේ නවාතැන් ගෙන සිට ඇතැයි ද පොලිස් විමර්ශනවලදී අනාවරණයවී ඇත.
එම හෝටලයේ හතරවෙනි මහලේ උද්‍යාන භූමියේ භූමිය අසල නාඳුනන පුද්ගලයකු මිය ගොස් ඇති බවට පිළියන්දල මඩපාත පොල්හේන ප්‍රදේශයේ පදිංචි ආයතනයේ සේවකයකු කරන ලද පැමිණිල්ලකට අනුව මළ සිරුර සොයා ගත් බව පොලිසිය සඳහන් කරයි.
