ශ්‍රී ලංකාවට ගැලපෙන්නේ චීන එන්නතයි




චීනයේ නිෂ්පාදිත සයිනොෆාම් එන්නත ශ්‍රී ලංකාවට ගැලපෙන සාර්ථක එන්නතක් යැයි රජරට විශ්ව විද්‍යාලයේ වෛද්‍ය පීඨයේ මහාචාර්ය සිසිර සිරිබද්දන මහතා පවසයි.

එය ඉක්මණින් අනුමත කිරීමට සෞඛ්‍ය අංශ පියවර ගත යුතු බව වෛද්‍ය මතය බව ද හෙතෙම පෙන්වා දෙයි. ඇස්ට‍්‍රාසෙනිකා එන්නතට වඩා සයිනොෆාම් එන්නත සෞඛ්‍යාරක්ෂිත බව පර්යේෂණවලින් හෙලිවී ඇතැයි ද එයින් සිදුවන අතුරු ආබාධ අවම යැයි ද ඔහු කියයි.

මේ වනවිට ලෝකයේ කොවිඞ් 19 වයිරසයට එරෙහිව නිපදවූ එන්නත් අතරින් වැඩිපුරම භාවිතා වන්නේ අටක් පමණක් යැයි කී මහාචාර්යවරයා එයින් ලෝක සෞඛ්‍ය සංවිධානය අනුමත කර ඇත්තේ ඇස්ට‍්‍රා සෙනිකා, ෆයිසර් හා ජොන්සන් සහ ජොන්සන් යන එන්නත් තුන පමණක් බව ද සඳහන් කරයි.

කෙසේ වෙතත් මෙතෙක් අනුමත නොකරන ලද සයිනොෆාම් එන්නත අනුමත කරන ලද ඒවාට වඩා හිතකාමි බව ද වැඩිපුරම භාවිතා කර ඇත්තේ ද එම එන්නත බව ද ඔහු කියා සිටියේය.

සයිනොෆාම් එන්නත අසාත්මික වී කිසිවෙක් මිය ගිය බවක් මේ වනතුරු වාර්තා වී නැතැයි ද ඇස්ට‍්‍රාසෙනිකා එන්නතින් මොළයේ හා උදරයේ ශිරාවන්හි ලේකැටි ගැසීම් වාර්තා වී ඇති අතර මියයාම් වාර්තා වී ඇතැයි ද වාර්තා පෙන්වා දෙයි. සයිනොෆාම් එන්නත පන්ලක්ෂයක් ලබාදුන් පසුව එයින් අසාත්මික වී ඇත්තේ 1.06 පිරිසකට පමණකැයි ද ඒවා කුඩා අතුරු ආබාධ යැයි ද වාර්තාවන්හි සඳහන් වේ.

– lankadeepa


Like it? Share with your friends!

What's Your Reaction?

Love Love
0
Love
Lol Lol
0
Lol
Wow Wow
0
Wow
Sad Sad
0
Sad
Angry Angry
0
Angry

Comments