බස් රථයක් ප්‍රපාතයකට පෙරලෙයි




නුවරඑලිය හයිපොරස්ට් ප්‍රදේශයේ සිට රාගල නගර දක්වා ධාවනය වු පෞද්ගලික බස් රථයක් මාර්ගයෙන් ඉවතට පැන මිටර් 8 ක් පමණ ප්‍රපාතයෙන් වු එලවළු කොටුවක් මතට පෙරලිමෙන් එම බස් රථයේ ගමන් ගත් මගින් 15 දෙනෙකු පමණ නුවරඑලිය මහ රෝහලට සහ හයිපොරස්ට් ප්‍රාදේශිය රෝහලට ඇතුලත් කර ඇති බව රාගල පොලිසිය පවසනවා.

අද (29) දින උදැසන 11.30 ට පමණ මෙම අනතුර සිදුව ඇත්තේ හයිපොරස්ට් රාගල ප්‍රධාන මාර්ගයේ මහතුඩුගල ප්‍රධාන මාර්ගය ආසන්නයේදියි.

අනතුරෙන් තුවාල ලැබු තුවාලකරුවන් ප්‍රදේශවාසින්ගේද සහය ඇතිව ගිලන්රථ මගින් රෝහල් ගත කල බවත්, රෝහල් ගත කල තුවාලකරුවන් කිහිප දෙනෙකුගේ තත්ත්වය බරපතල බව වාර්තා වනවා.

බස් රථය ධාවනය කල රියදුරා හදිසියේ ඇති වු අසනිප තත්ත්වයක් හේතුවෙන් ධාවනය වෙමින් තිබු බස් රථය රියදුරු පාලනයෙන් මිදි බස් රථය මාර්ගයෙන් ඉවතට පැන මෙම අනතුර සිදු වි ඇති බවට තොරතුරු ලැබි ඇති බව රාගල පොලිසිය ප්‍රකාශ කළා.


Like it? Share with your friends!

What's Your Reaction?

Love Love
0
Love
Lol Lol
0
Lol
Wow Wow
0
Wow
Sad Sad
1
Sad
Angry Angry
0
Angry

Comments