දකුණු ආසියාවේ ඉදිකෙරෙන පළමු ඩි ස්නි ලන්තය ශ්‍රී ලංකාවේ බෝපිටිය ප්‍රදේශයේදී මැලේසියාවේ සහ කොරියාවේ ආයෝජන සහිතව කොරියාවේ කැවිටේෂන් සමාගම විසින් ඉදිකිරීමට යෝජිතව තිබෙනවා. මෙම ව්‍යාපෘතිය සඳහා අක්කර 150ක ඉඩමක් බදු පදනම මත ලබා ගැනීම සඳහා රජය සමඟ සාකච්ඡා කරමින් සිටින බව ට වාර්තා වෙනවා.
“මෙම ව්‍යාපෘතිය ඉදිකිරීම සඳහා ඇමරිකානු ඩොලර් මිලියන 400ක් පමණ ප්‍රධාන වශයෙන් කොරියාවෙන් සහ මැලේසියාවෙන් ලබා ගැනීමට බලාපොරොත්තු වන බවත් COVID පෙර මෙයින් 30% ක් පමණ ලබා ගැනීමට හැකි වූ බවත් ශ්‍රී ලංකාව සෞඛ්‍ය කළමනාකරණය වැඩිදියුණු කිරීම, රෝගීන් සංඛ්‍යාව අඩුවීම සහ එන්න ත් කිරීමේ ක්‍රියාවලිය සිදුවීමත් සමඟ ඉන්දියාව වැනි වෙනත් රටවලින් පවා මෙම ව්‍යාපෘතිය සඳහා වැඩි ආයෝජකයින් ආකර්ෂණය කර ගැනීමට විශාල අවස්ථාවන් පෙනෙන බව ඔහු සඳහන් කරයි.
යෝජිත උද්‍යානය මැලේසියාවේ ජෙන්ටින් හයිලන්ඩ්ස් (Genting Highlands) හා සමාන වන අතර ඒ සඳහා විශේෂ දුම්රිය සම්බන්ධතාවයක් ඇති කිරීමටද ඔවුන් බලාපොරොත්තු වන අතර ඊට අමතරව තවත් ආකර්ෂණීය ස්ථාන කිහිපයක් අප ඉදිකිරීමට බලාපොරොත්තු වන බව වැඩි දුරටත් ඔහු පැවසීය.
කලාපයේ ක්‍රියාත්මක වන එකම ඩිස්නිලන්තය මෙය වන බැවින් Covid සමනය වන විට විශේෂයෙන් ඉන්දියාවෙන් සහ වෙනත් අසල්වැසි රටවලින් ඉල්ලුම පෙනෙන බව ආයෝජකයින් සඳහන් කරයි.
සංචාරකයින්ට නවාතැන් ගැනීම සඳහා කාමර 300 ක හෝටලයක් මෙහි ඉදිකිරීමට නියමිත අතර එය කළමනාකරණය කිරීම සඳහා ජාත්‍යන්තර ක්‍රියාකරුවෙකුට බදු දීමට නියමිතව ඇත.
ශ්‍රී ලංකාව පදනම් කරගත් කොරියාවේ කැවිටේෂන්ස මාගම ආසියා පැසිෆික් කලාපය කෙරෙහි අවධානය යොමු කරමින් නැගී එන රටවල රාජ්‍ය පෞද්ගලික හවුල්කාරිත්වය (PPP) මාදිලි ගණනාවක් ඇතුළුව ටර්න්-කී ව්‍යාපෘති සහ මෙගා ව්‍යාපෘති ව්‍යුහගත කිරීම පිළිබඳ විශේෂඥතාවයක් ඇති සමාගමක් බව ඔවුන් සඳහන් කරයි.
Daily News ඇසුරෙන්
