කොහුවල ප්‍රදේශයේ අතුරු මාර්ගයක මෝටර් රථයක් ගිනි ගැනීමකට ලක්වීමෙන් ඒ තුළ සිටි පුද්ගලයෙකු ජීවිතක්‍ෂයට පත්ව තිබෙනවා.
මෝටර් රථයේ තිබී හමු වූ පිළිස්සුණු සිරුර කළුබෝවිල ප්‍රදේශයේ පදිංචි 33 හැවිරිදි ව්‍යාපාරිකයෙකුගේ බවටයි පොලිසිය සැක කරන්නේ.
කොහුවල ආසිරි මාවතේ අතුරු මාර්ගයක නවතා තිබූ මෝටර් රථයක මෙම ගින්න හටගෙන ඇත්තේ ඊයේ රාත්‍රී 11.45ට පමණයි.
මෝටර් රථයේ හටගත් මෙම ගින්න නිවා දැමීමට ප්‍රදේශවාසින්ට අපහසු වී ඇත්තේ එය දෙපස තාප්පයකින් වට වී තිබූ කුඩා බිම් ඉඩක නතර කර තිබීම හේතුවෙන්.
ගිනි ගන්නා මෝටර් රථය තුළ තම ඥාතියෙකු සිටින බව එම ස්ථානයට පැමිණි පුද්ගලයෙකු දැනුම් දුන්නද ගින්නෙන් ඔහුව බේරා ගැනීමට හැකිවී නැහැ.
